د امریکا د ملي امنیت پخوانی سلاکار جان بولټون وایي، ټرمپ ښایي تر ولسمشرۍ ټاکنو مخکې خپل ځواکونه له افغانستانه وباسي. بولټون له یوې اسپانیایي خپرونې سره په تازه مرکه کې ویلي، ټرمپ د امریکایانو د زړونو ګټلو لپاره دوه انتخابه لري یا به تر ټاکنو مخکې خپل ټول سرتېري له افغانستانه وباسي او یا به له ناټو تړونه ووځي.
بولټون د خپلو خبرو پر دوام دغه راز ویلي، ښایي ټرمپ د روان کال د نوامبر میاشتې په درېیمه (د امریکا تر ټاکنو مخکې) له ناټو څخه د امریکا وتل اعلان کړي. هغه زیاته کړې، تر اوسه چې ټاکنو ته درې میاشتې وخت پاتې دی ډیموکراټانو ته په کار ده چې وضعیت د ځان په ګټه راوڅرخوي.
د یادونې ده چې تر دې وړاندې ټرمپ ویلي، له ناټو د امریکا د وتلو غوښتونکی نه دی خو متحدین باید خپله حق الزحمه ورکړي.
