خبرهای مرتبط

جمع

کرزی د نرخ پېښه غندلې او د سولې خبرو پر ژر بریا یې ټینګار کړی

د افغانستان پخواني ولسمشر حامد کرزي د میدان وردګ ولایت په نرخ ولسوالۍ کې د امریکایی پوځیانو هوایي بمبارۍ او د خوست ولایت په مرکز کې د موټر بم برید غندلي دي.

د پخواني ولسمشر له مطبوعاتي دفتر څخه په خپره شوې اعلاميه کې راغلي، حامد کرزی  په هېواد کې د نظامي علمیاتو او تلفاتو پر زیاتوالي خپله ژوره اندېښنه څرګندوي او د روان ناورین د ختمېدو لپاره د سولې د خبرو پر ژر تر ژره کامیابۍ ټینګار کوي.

د یادولو ده چې څو ورځې وړاندې بهرنیو ځواکونو د نرخ په دراني سیمه کې پر یوه کور هوايي برید وکړ چې په کې درې تنه وژل شوي وو او څو تنه نور ټپیان و. بهرنیو ځواکونو ویلي وو چې په یاد برید کې یې طالبان په نښه کړي، اما ځايي شاهدانو رسنیو سره خبرو کې تائید کړې چې په یاد برید کې ملکیانو ته مرګ ژوبله اوښتې وه.

اشتراک گذاری

Dunia
Duniahttp://dunia.af/
روزنامه دنیا، انعکاس‌دهندۀ حقایق