خبرهای مرتبط

جمع

آغاز دور تازۀ سفرهای نمایندۀ آمریکا برای افغانستان

نمایندۀ ویژۀ آمریکا برای افغانستان در دور تازۀ سفرهایش...

مجاهد: لانه‌های مهم گروه داعش در افغانستان از بین رفته است

به گفتۀ سخنگوی امارت اسلامی، لانه‌های مهم گروه داعش...

خلک د سولې خبرو کې د طالبانو پر رښتينوالي باور نه‌لري

د ولسمشر دویم مرستيال سرور دانش وايي، طالبانو د سولې خبرو کې پرمختګ او د تاوتريخوالي په کمولو کې پر هېڅ ژمنې عمل نه دی کړی او دا پروسه بن‌بست سره مخ ده. نوموړي په کابل کې د ناټو ملکي استازي سټيفانو پونټیکورو سره ليدنه کې ويلي چې خلک د سولې خبرو کې د طالبانو پر رښتينوالي باور نه‌لري.

سرور دانش ويلي، د افغان دولت له لوري د ۵ زره طالب بنديانو خوشې کولو ته په اشارې ويلي چې د افغان دولت او افغانانو تمه دا وه چې د بندیانو له خوشې کولو وروسته به د طالبانو له لوري تاوتريخوالی کم شي. نوموړي زیاته کړې، طالبان باید پر خپلو ژمنو عمل وکړي او تاوتریخوالی کم کړي.

د ولسمشر دویم مرستيال زياته کړې، شواهد ښيي چې طالبانو له نورو ترهګريزو شبکو سره خپلې اړيکې نه دي پرې کړي. په دې ليدنه کې د ناټو ملکي استازي سټيفانو پونټیکورو ويلي، د دوحې خبرې هغه مهال بریالۍ کېدی شي چې دواړه اړخونه نرمښت وښیي او یو بل په ټوله مانا درک کړي.

سلام وطندار لیکي چې پونټيکورو دغه راز د بیان ازادي، د ښځو حقونه، مدني ارزښتونه او د تېرو دوو لسیزو لاسته راوړنو ساتنه د ټولو افغانانو غوښتنه بللې ده. نوموړي څرګنده کړې، ټول ښکېل هېوادونه باید هڅه وکړي چې د بین‌الافغاني خبرو پر وړاندې پراته خنډونه لرې او افغانستان تلپاتې سولې ته ورسوي.

همرسانی کنید

Dunia
Duniahttp://dunia.af/
روزنامه دنیا، انعکاس‌دهندۀ حقایق