خبرهای مرتبط

جمع

نیویارک ټایمز: په بېړه د سرتېرو وتلو پرېکړې طالبان لا زړور کړي

نیویارک ټایمز ورځپاڼه وایي، له افغانستان څخه د امریکایي ځواکونو د وتلو پرېکړې طالبان لا زړور کړي دي. ورځپاڼه کاږي، وروسته له هغه چې ډونالډ ټرمپ له افغانستان څخه د ټولو سرتېرو ایستلو پرېکړه وکړه، طالبانو خپلو بریدونو ته زور ورکړی دی او هڅه کوي چې د زور له لارې ځان واک ته ورسوي.

د ورځپاڼې په باور، مخکې هم د افغان ځواکونو له قوله داسې راپورونه ورکړل شوي دي چې که چېرته د بهرنیو ځواکونو هوایي ملاتړ نه وي نو افغان ځواکونه په ښه توګه د طالبانو بریدونه نه شي دفع کولی. ورځپاڼه وړاندې کاږي، دې ته په کتو که چېرته امریکا د افغانستان وضعیت ته له پام پرته ځپل سرتېري له افغانستان څخه وباسي نو دا هېواد به یو ځل بیا د بهرنیو ترهګرو په امن پټنځای بدل او امریکا به د دویم ځل لپاره د سپټمبر ۱۱مې بریدونه مشاهده کړي.

اشتراک گذاری

Dunia
Duniahttp://dunia.af/
روزنامه دنیا، انعکاس‌دهندۀ حقایق