خبرهای مرتبط

جمع

خبرگزاری فرانسه: بیش از هزار نفر در مراسم حج امسال جان باختند

خبرگزاری فرانسه گزارش داده که شمار جان‌باختگان مراسم حج...

افغان‌ها بزرگترین جمعیت پناه‌جویان در سراسر جهان

آژانس پناهجویان سازمان ملل در گزارش تازه خود اعلام...

کرېکټ نړیوال جام: د مجیب پر ځای حضرت ځاځی ۱۵ کسیز نوملړ ته اضافه شوی

افغان لوبډله به د کرېکټ شل اوریز نړیوال جام...

هُشدار غنی: شکیبایی مردم افغانستان محدود است

اشرف غنی، رئيس‌جمهور پیشین کشور در پیام عیدی خود...

برنامۀ جهانی غذا: یک چهارم مردم افغانستان گرسنه می‌خوابند

برنامۀ جهانی غذا در آستانۀ فرارسیدن عید قربان گفته...

د جنیوا کنفراس او د نړۍ مالي ملاتړ ته د افغانستان جدي اړتیا

د دوشنبې په ورځ د افغانستان په اړه په جنیوا کې کنفرانس جوړ شو. دغه کنفرانس به دوه ورځې دوام ومومي، یعنې نن سې شنبه به پای ته ورسیږي. په دې کنفرانس کې چې هر څلور کاله وروسته د افغانستان په اړه جوړیږي، له افغانستان سره د نړیوالې ټولنې د مالي او سیاسي ملاتړ ژمنې تازه کیږي. افغانستان له ۲۰۰۱ کال راهیسې له دغه طریقه د مرسته کوونکو هیوادونو میلیاردونه ډالره مرسته تر لاسه کړې، چې په تېرو دوه لسیزو کې په افغانستان کې د دولت جوړونې، ملت جوړونې، رغونې او بیا رغونې باندې لګول شوي دي.

له څه کم شل کلونو وروسته د نړیوالو ټولنې د مرستو د راجلبولو لپاره بیا د جنیوا کنفرانس رابلل شوی دی او افغان لوری هڅه کوي چې د افغانستان د سولې او جنګ د حساس وضعیت په توضیح کولو سره بیا هم له نړیوالو غواړي چې هغه افغانستان ته چې افغانان او نړیوال مرسته کوونکي یې غواړي، لا هم لاره پاتې ده او د تر لاسه کولو لپاره یې د نړیوالو مرستو دوام حیاتي دی، ځکه افغانستان که له یوې خوا د ملت جوړونې او دولت جوړونې، ښځو حقونو، بیان ازادۍ او دیموکراسۍ تمرین کوي؛ له بلې خوا د سخت دریځو او افراطیونو له شدید او دوامدار جنګ سره مخ دی چې ريښې یې په ګاونډیو هیوادونو کې دي او د سولې پروسې له عملي پیل سره هم په جګړه کې کمښت نه دی راغلی، بلکې برعکس د امریکايي او ناټو ځواکونو د وتلو د خبرو له اعلان سره د جګړې ښکیلو غاړو د وخت کشۍ سیاست غوره کړی او د بریدونو په شدیدلو سره یې د افغانانو اندېښنې زیاتې کړي دي.

له همدې امله نړیوال باید د افغانستان روان وضعیت سم درک کړي او د سولې او جګړې په دې حساس پړاو کې افغانان یوازې پرې نه ږدي، بلکې په مالي او سیاسي ملاتړه سره افغان حکومت او د طالبانو ډله د سولې خبرو ته وهڅوي، ترڅو افغانستان عملاً د سولې او ثبات څښتن شي. اما که چیرته نړیواله ټولنه او مرسته کوونکي هیوادونه بې غوري وکړي او د بهرنیو ځواکونو د وتلو ترڅنګ مالي او سیاسي ملاتړ هم کم کړي، ښکاره ده چې د افغانستان د سولې موجود فرصت د جګړې په نوي هغه بدلیږي او افغانستان د جګړو نوي فصل ته داخلیږي، چې په دې حالت کې به هیڅ لوري هم ګټه نه وي کړي، بلکې ټول به ناکام او بدنام وي.

اشتراک گذاری

Dunia
Duniahttp://dunia.af/
روزنامه دنیا، انعکاس‌دهندۀ حقایق