خبرهای مرتبط

جمع

لوکا مودریچ به النصر عربستان می‌پیوندد

به نقل از رسانه‌های فوتبال عربستان، لوکا مودریچ ۳۷...

ازبیکستان صادرات برق به افغانستان را از سر می‌گیرد

سرویس مطبوعاتی وزارت انرژی ازبیکستان روز دوشنبه (سوم دلو)...

محدودیت کار و تحصیل زنان و دختران افغان؛ محور بحث اتحادیۀ اروپا

نبیلا مسرالی، سخنگوی دفتر پالیسی خارجی اتحادیۀ اروپا در...

د کندهار د دامان ولسوالۍ پر مرکز موټر بم چاودنه؛ ۳۳ کسان ټپیان شوي

پرون دوشنبه سهار څه باندې ۱۰ بجې د کندهار د دامان ولسوالۍ پر مرکز موټر بم برید شوی دی. د کندهار د پوليسو وياند جمال بارکزي امریکا غږ ته ویلي چې ځانمرګی موټر بم برید د مازدا لارۍ په وسیله د د دامان ولسوالۍ پر مرکز شوی دی.

د کندهار د والي وياند بهير احمدي وايي، د دامان ولسوالۍ په پروني موټر بم چاودنه کي ۳۳ تنه ټپیان شوي دي. نوموړي زیاته کړه چې له یادو کسانو څخه ۱۸ تنه د ولسوالۍ په ودانۍ کې او ۱۵ تنه ولسوالۍ ته نږدې په يوه کور کې ټپيان شوي دي.

نوموړي زیاته کړه: «په ټپيانو کي ۷ ملکي مامورين، ۹ تنه پوليس او ۲ تنه د ملي امنيت سرتيري ټپيان شوي او په نژدې کور کې ۱۵ تنه ولسي خلک چې ښځې او ماشومان هم پکښې دي ټپيان شوي او څوک ندي وژل شوي.»

د افغانستان د کورنیو چارو وزارت ویاند طارق ارین بیا ویلي چې د لومړنیو معلوماتو په اساس په یاده چاودنه کې ۱۱ پولیس ټپیان شوي دي. د دامان ولسوالۍ په الحاقیه ودانۍ کې د ولسوال د دفتر په ګډون امنیه قومانداني او ټول دولتي تاسیسات یو ځای فعالیت لري.

د دامان ولسوال ښادي خان امریکا غږ ته وويل چي د پېښې پر مهال دوی غونډه لرل. نوموړي زياته کړه چې چاودنه زوره وره وه او د ولسوالۍ تاسيساتو ته زيان رسيدلی دی، نوموړي د مرګ ژوبلي په اړه نور جزئيات ورنه کړل. خو يوه امنيتي مقام د نوم نه ښودلو په شرط امریکا غږ ته ویلي، چې په پېښه کې ۱۵ تنه ټپيان شوي چې د ولسوالۍ ملکي مامورین او ملکي مراجعین هم په کي شامل دي.

دامان د کندهار ـ کابل د لویې لارې پر سر د کندهار ښار په ختیځ کې پرته ولسوالي ده چې د پرونۍ چاودنې له کبله په یاده سیمه کې د کابل ـ کندهار لویه لار هم د ترافیکو پر مخ تړل شوې ده. تر اوسه چا د پېښي مسئوليت په غاړه ندی اخيستی.

همرسانی کنید

Dunia
Duniahttp://dunia.af/
روزنامه دنیا، انعکاس‌دهندۀ حقایق