خبرهای مرتبط

جمع

له اماراتو بهر لومړنی سفر؛ اشرف غني‌ عمرې ته تللی

د افغانستان مخکېني ولسمشر محمد اشرف غني‌ ته نژدې...

آلمان او شريکانو يې په افغانستان کي ستراتيژيکي ماته خوړلې

د آلمان د پارلمان تحقيقاتي کمېسيون د «افغانستان د...

جذب دختران فارغ صنف دوازدهم به انستیتوت‌های صحی دولتی آغاز می‌شود

وزارت صحت عامۀ حکومت سرپرست در نامه‌ای از ریاست‌های...

تاجکستان از تلاش‌های صلح در افغانستان حمایت می‌کند

عبدالله عبدالله، رییس شورای عالی مصالحه‌ ملی، صبح روز دوشنبه (1 جدی)، در ادامه‌ سفرهایش به منطقه برای جلب حمایت‌ها از روند صلح افغانستان، در یک سفر دو روزه، در رأس هیئت عالی‌رتبه‌ دولتی، به دوشنبه، پایتخت تاجیکستان رفت. آقای عبدالله در جریان روز اول سفر خود، دیدارهای جداگانه‌ای با نخست‌وزیر و رییس‌ مجلس نمایندگان تاجیکستان داشت.

نخست‌وزیر و رییس مجلس نمایندگان تاجیکستان، تاکید کرده‌اند که کشورشان از برقراری صلح در افغانستان حمایت می‌کند.

به نقل از صبح کابل، قاهر رسول‌زاده، نخست‌وزیر تاجیکستان، در دیدار با آقای عبدالله، گفت که کشورش از تلاش‌های صلح در افغانستان حمایت می‌کند و صلح و ثبات در افغانستان را صلح و ثبات در منطقه می‌داند. او، از همکاری کشورش برای برقراری صلح در افغانستان اطمینان داد.

هم‌چنان، محمدطاهر ذاکرزاده، رییس مجلس نمایندگان تاجیکستان نیز، در دیدار با آقای عبدالله، صلح و ثبات در افغانستان را به نفع صلح، ثبات، ترقی و توسعه در منطقه خواند و ابراز امیدواری کرد که گفت‌وگوهای صلح، به نتیجه‌ مطلوبی بینجامد.

از سویی هم، عبدالله عبدالله، در جریان این دیدارها، گفت که تاجیکستان تجربه‌ خوبی در ختم جنگ داخلی و دست‌یافتن به صلح و رفاه دارد و می‌تواند با افغانستان در این راستا همکاری کند.

قرار است آقای عبدالله در جریان این سفر، با امام‌علی‌رحمان، رییس‌جمهور تاجیکستان نیز دیدار و در مورد روند صلح افغانستان گفت‌وگو کند.

پیش از این، آقای عبدالله به منظور جلب حمایت کشورهای منطقه از روند صلح افغانستان، به کشورهای پاکستان، ایران، هند، ازبیکستان و ترکیه سفر کرده بود.

اشتراک گذاری

Dunia
Duniahttp://dunia.af/
روزنامه دنیا، انعکاس‌دهندۀ حقایق