خبرهای مرتبط

جمع

خبرگزاری فرانسه: بیش از هزار نفر در مراسم حج امسال جان باختند

خبرگزاری فرانسه گزارش داده که شمار جان‌باختگان مراسم حج...

افغان‌ها بزرگترین جمعیت پناه‌جویان در سراسر جهان

آژانس پناهجویان سازمان ملل در گزارش تازه خود اعلام...

کرېکټ نړیوال جام: د مجیب پر ځای حضرت ځاځی ۱۵ کسیز نوملړ ته اضافه شوی

افغان لوبډله به د کرېکټ شل اوریز نړیوال جام...

هُشدار غنی: شکیبایی مردم افغانستان محدود است

اشرف غنی، رئيس‌جمهور پیشین کشور در پیام عیدی خود...

برنامۀ جهانی غذا: یک چهارم مردم افغانستان گرسنه می‌خوابند

برنامۀ جهانی غذا در آستانۀ فرارسیدن عید قربان گفته...

رئیس جمهور تاجیکستان: از تلاش‌های صلح و برقراری ثبات در افغانستان حمایت می‌کنیم

عبدالله عبدالله، رییس شورای عالی مصالحه‌ی ملی، روز دوشنبه (1 جدی)، در ادامه‌ی سفرهایش به منطقه برای جلب حمایت‌ها از روند صلح افغانستان، در یک سفر دو روزه، در راس هیئت عالی‌رتبه‌ی دولتی، به دوشنبه، پایتخت تاجیکستان رفت. آقای عبدالله در جریان این سفر، با امام‌علی رحمان، رییس‌جمهور تاجیکستان دیدار و گفت‌وگو کرده است.

بنابر اعلامیه شورای عالی مصالحه ملی، امام علی رحمان افغانستان را از دوستان و متحدین نزدیک تاجیکستان خوانده است. او تاکید نمود که روابط دو کشور ریشه در همسایگی، مشترکات تاریخی، فرهنگی و دینی دارد. امام علی رحمان با اعلان حمایت همه جانبه‌ی جمهوری تاجیکستان از تلاش‌های صلح در افغانستان، صلح و ثبات در افغانستان را صلح و ثبات در تاجیکستان، منطقه و فراتر از منطقه خواند. رئیس جمهور تاجیکستان گفت: افغانستان، تاجیکستان و منطقه از تروریزم، افراط‌گرایی و بی‌ثباتی متضرر شده‌اند. تامین صلح و ثبات در افغانستان زمینه‌ی گسترش و توسعه‌ی تجارت و ترانزیت میان دو کشور، منطقه و اتصال آسیای مرکزی به جنوب آسیا را فراهم می‌سازد.

رئیس جمهور تاجیکستان علاوه کرد: تاجیکستان دوست و متحد افغانستان است و از تلاش‌های صلح در افغانستان و تصمیم جمهوری اسلامی و مردم افغانستان در این عرصه حمایت می‌کند.

در این دیدار در باره‌ تلاش‌های صلح، مذاکرات دوحه، مرحله بعدی مذاکرات، سفرهای اخیر برای کسب اجماع منطقه‌ای و نقش جمهوری تاجیکستان در تأمین صلح در افغانستان صحبت شده است و تأکید شده که جمهوری اسلامی افغانستان در مذاکرات صلح به دست‌یافتن به صلح پایدار، عادلانه، باعزت و با حفظ ارزش‌های جمهوریت متعهد می‌باشد. در اخیر شورای عالی مصالحه از افزایش خشونت‌ها و جنگ به عنوان یکی از نگرانی‌های حکومت و مردم افغانستان در این مرحله نام برده است و بر ختم جنگ و قطع‌ خون‌ریزی در جریان مذاکرات تأکید کرده است.

اشتراک گذاری

Dunia
Duniahttp://dunia.af/
روزنامه دنیا، انعکاس‌دهندۀ حقایق