خبرهای مرتبط

جمع

لویه څارنوالي: د عامې روغتیا وزارت څلور کارکوونکی د بډو غوښتلو په تور نیول شوي

لویه څارنوالي وايي، د ملي امنیت له ریاست سره په همغږۍ یې د عامې روغتیا څلور ‘کارمنان’ ددغه وزارت له کارمنانو د بډو غوښتلو په تور نیولي او اوس توقیف کې دي. د لویې څارنوالۍ ویاند جمشېد رسولي په یوه وېډیويي کلیپ کې وايي، د دغو کسانو مسئله تر څېړنې لاندې ده.

د لویې څارنوالي ویاند جمشید رسولي ویلي چې دا څلور کسان وروسته له هغه د دغې ادارې د منسوبینو له لوري د ملي امنیت ریاست په مرسته نیول شوي چې د روغتیا وزارت له یو شمېر ولایتي رییسانو څخه یې په میاشتني ډول له اویا تر اتیا زره ډالرو پورې رشوت غوښتنه کړې وه.

نوموړی وايي، دا قضیه به هم د نورو ورته قضیو په اړه د قانون په رڼا کې وڅېړل او پایلې به یې له خلکو سره شریکې شي. د عامې روغتیا وزارت رسماً تر اوسه په دې اړه څه نه دي ویلي، خو ددغه وزارت یوې سرچینې بي بي سي ته ویلي، چې په نیول شویو کسانو کې د عامې روغتیا د وزیر دوه خپلوان هم شته، چې یو یې په یاد وزارت کې اوس هېڅ دنده نه لري.

اشتراک گذاری

Dunia
Duniahttp://dunia.af/
روزنامه دنیا، انعکاس‌دهندۀ حقایق