خبرهای مرتبط

جمع

معصوم ستانکزی: د اسلامي نړۍ ټولو عالمانو افغان جګړه ناروا بللې ده

د افغان دولت د مذاکراتي ډلې مشر محمد معصوم ستانکزي ویلي چې د اسلامي نړۍ دیني عالمانو افغان جګړه حرامه او ناروا او په دغه هېواد کې یې د جګړې درېدل او اوربند واجب بللي دي. هغه پر خپل ټویټر لیکلي، چې جنګیالي نباید د جګړې د دوام لپاره له قراني احکامو او نبوي احادیثو څخه په تیاره کې وساتل شي.

هغه په هېواد کې روانه جګړه ـ چې طالبان یې جهاد بولي ـ ننګولې او زیاته کړې یې ده چې دوی تیار دي دغه جګړه د اسلام له نظره ناروا ثابته کړي. هغه ټینګار کړی دی چې د سولې لپاره د رامنځته شوي اوسني فرصت ضایع کول د ملت په حق کې ستره جفا ده او نباید څوک دا جفا وکړي.

نوموړی دا څرګندونې وروسته تر هغه کوي چې د طالبانو د سیاسي دفتر مرستیال عباس ستانکزي په خپلو وروستیو څرګندونو کې ویلي چې که چېرته ولسمشر غني استعفا وکړي دوی له اوسني حکومت سره یو ځای کېدو ته تیار دي.

اشتراک گذاری

Dunia
Duniahttp://dunia.af/
روزنامه دنیا، انعکاس‌دهندۀ حقایق