رحماني: د موقت حکومت له طرحې مو ځکه ملاتړ کړی چې د اوسني نظام او ملي شورا بقا په کې تضمین شوې
«موږ د افغانستان د اسلامي جمهوریت څخه ملاتړ کوو، نه له غني، بي بي ګل، محب او فضلي څخه.»
د ولسي جرګې غړي د موقت حکومت د طرحې په اړه په دوه ډلو ویشل شوي. د ولسي جرګې یو شمیر غړي وايي، چې دوی د موقت حکومت له طرحې چې په وروستیو وختونو کې له ځینو کسانو سره شریکه شوې او په کې د نظام او ملي شورا د ساتنې غوښتنه شوې، ملاتړ کوي او وايي، د سولې پروسه نباید د څو افرادو د قدرت لپاره سبوتاژ شي.
د ولسي جرګې غړي وايي، د موقت حکومت په اړه د ولسي جرګې د رئیس د یکشنبې د ورځې له خبرو څخه ملاتړ کوي او وايي چې دوی هم جمهوریت غواړي، خو هیڅکله له ولسمشر غني، رولا غني، محب او فضلي څخه ملاتړ نه کوي.
عبدالرووف انعامي وايي: «جمهوریت د افغانستان د نظام په جوړښت کې تسجیل شوی دی. لومړی تاسو وګورۍ چئ کوم ځای یې مراعت شوی دی؟ کوم جمهوریت، هغه جمهوریت چې د امنیت شورا مشاوره یې (میرمن یې) په درې اونیو کې د وي.آی.پي له لارې اووه ځله بهر ته ځي، دا څه کوي؟ هغه جمهوریت چې د ملي امنیت شورا مشاوره یې (میرمن یې) د بهرني مشاور په نوم اتلس زره ډالره اخلي.»
د ولسي جرګې بل غړي عبدالظاهر تمیم وايي: «ولې کله چې صادق ترین وزیر، با وجدان ترینه وزیر له وزارت ایستل کیږي، هیڅ غږ نه کیږي، خو کله چې رحماني د پارلمان اقتدار ساتي غږونه پورته کیږي.»
د پارلمان یو بل وکیل زیاته کړه: «موږ د افغانستان د اسلامي جمهوریت څخه ملاتړ کوو، نه له غني، نه له بي بي ګل، نه له محبه، نه له فضلي څخه.»
د ولسي جرګې بل غړی خان آغا رضايي بیا وايي: «د سولې د پروسې په اړه هر ډول اقدام چې وي، دریږو، نه د افرادو او اشخاصو لپاره، بلکې د افغانستان د خلکو لپاره چې دا څلویښت کاله په جګړه کې دي، موږ څو کسانو ته دنده راکول کیږي، بیا غږ پورته کوو، لطاً باید خپل مسوولیت په ملي توګه ترسره کړو.»
د ولسي جرګې رئیس بیا وايي: «دا طرحه ستونزې لري، که څه هم له نظامه په کې ملاتړ شوی، له ملي شورا ملاتړ شوی، چې باید ورباندې بحث وشي.»
خو د دې جرګې ځینې نور غړي بیا د موقت حکومت په اړه د ولسي جرګې د رئیس د وړمې ورځې له څرګندونو سره مخالفت ښيي او وايي چې موقت حکومت د ناکامو تجربو تکرار دی چې خطرناکې پایلې به ولري.
د ولسي جرګې غړې مریم سما وايي: «د سولې د کمېټه د تش په نوم رئیس په توګه مو له موقت حکومت څخه ملاتړ کړی دی، ښاغلی رئیس موږ ته ووایاست، تاسو څوک یاست چې دغه ډول د اصولو او ملي ګټو پر خلاف تصمیم نیسي؟»
د ولسي جرګې رئیس بیا په ځواب کې وویل چې «خدای وکړي چې یادې ټولې خبرې ستاسو خپلې وي، د چارو ادارې نه وي.»
د یادې جرګې غړي شاه پوره حسین زی: «ته د دې افغانستان خوار ملت نه خبر یې چې ته غږ کوئ چې زه موقت حکومت غواړمه، بل راځمه ستانکزي ته چې د وروس له بیرغه غږ کوي چې غني د استعفا ورکړي، دا صلاحیت د غني نه دی چې استعفا ورکړي.»
دا په داسې حال کې د چې د ولسي جرګې رئیس میر رحمان رحماني د یکشنبې په ورځ وویل چې د موقت حکومت یوه طرحه دوی ته هم رسیدلې او دا چې د نظام او ملي شورا بقا په کې تضمین شوې، ملاتړ ترې کوي.
