خبرهای مرتبط

جمع

پر افغان سوله د بریتانیا او فرانسې له سفیرانو سره حامد کرزي خبرې کړي

د افغانستان مخکیني ولسمشر حامد کرزي د چهار شنبې په ورځ په کابل کې د انګلستان له سفیرې میرمن الیسون بلیک سره کتنې د افغان سولې او یو شمیر نورو مسایلو په اړه خبرې کړي دي.

د حامد کرزي له دفتر څخه په خپره شوې خبرپاڼه کې راغلي چې په دې کتنې دواړو خواوو د دوه اړخیزو اړیکو او د افغان سولې د روان بهیر د کامیابۍ لپاره د نړیوالۍ ټولنې پر همکاریو خبرې کړي دي.

په یاده کتنه کې ټینګار شوی چې د افغانستان د سولې روانه پروسه باید ژر تر ژره یوې نتیجې ته ورسیږي او طالبان د افغانستان د نظام برخه شي. دوی په هیواد کې پر روان تاوتریخوالي هم اندېښنه ښودلې او له دواړو ښکیل غاړو یې غوښتي چې اوربند وکړي.

د یادونې ده چې ولسمشر کرزي د سې شنبې په ورځ په کابل کې د فرانسې هیواد له سفیر ډیویډ مارتینون سره هم د افغان سولې او روانو حالاتو په اړه خبرې کړې وې او په یاده کتنه کې د افغانستان د جګړې پر ژر ختمیدو او د سولې خبرو پر بریالي کیدو ټینګار شوی و.

اشتراک گذاری

Dunia
Duniahttp://dunia.af/
روزنامه دنیا، انعکاس‌دهندۀ حقایق