تاکید کرزی بر رشد مهارت‌های حرفوی در بخش‌های گوناگون برای جوانان کشور

حامد کرزی، رئيس جمهور پیشین افغانستان با شماری از اعضای یک بنیاد اجتماعی دیدار کرد و بر رشد و تقویت مهارت‌های حرفوی برای جوانان کشور تاکید ورزید.

در این دیدار، حاضرین درمورد فراهم‌سازی زمینهٔ درس و تعلیم و رشد مهارت‌های حرفوی برای دختران و پسران کشور و نوآوری در بخش سکتور صحی توسط بنیاد مذکور و فعالیت‌های دیگر آن بنیاد صحبت و معلومات ارایه نمودند.

آقای کرزی از فعالیت‌های این بنیاد، خصوصاً در بخش تدریس مهارت‌های مسلکی به جوانان کشور ابراز تشکری نموده و در عرصهٔ خدمت‌رسانی به مردم آرزوی موفقیت کرد.