خبرهای مرتبط

جمع

تاجیکستان کې پر افغانستان امنیتي غونډه ده؛ د امریکا شارژدافیره هم ورغلې

افغانستان لپاره د امریکا متحده ایالاتو د سفارت شارژدافیره کرن ډیکر وايي د «هرات امنیتي خبرو کې» د ګډون لپاره تاجیکستان ته تللې ده.

برخی فعالان حقوق زنان افغان: حق بلند کردن صدای دادخواهی از ما گرفته شده ‌است

در حالی‌که کمپاین ۱۶ روزۀ جلوگیری از خشونت علیه زنان و اعتراضات مربوط به آن در شماری از کشورهای جهان در حمایت از زنان افغان جریان دارد، فعالان حقوق زنان در افغانستان می‌گویند که حق بلند کردن صدای دادخواهی از آنان گرفته شده و روز به روز ضعیف‌تر می‌شود.

انتخاب سخت افغان‌ها؛ تهیۀ سوخت زمستان یا غذا

رئیس بخش عملیاتی صلیب سرخ با اشاره به بحران انسانی وخیم در افغانستان گفت: خانواده‌ها در این کشور با انتخاب غیرممکن بین تهیه سوخت برای گرم نگه‌داشتن خود و یا تهیه غذا مواجه هستند.

انتقاد کارشناسان سازمان ملل از مسدود ماندن مکاتب دختران در افغانستان

گروهی از کارشناسان حقوق بشر سازمان ملل در بیانیه‌ای...

سرگردانی نیروهای ویژۀ افغان در آمریکا

وب‌سایت «اینترسپت» در گزارشی ضمن ارائه اطلاعات بیشتر از...

بایډن: امریکا په کابل کې د القاعده شبکې مشر ایمن الظواهري وژلی

د امریکا ولسمشر جوبایډن وایي، چې د القاعده شبکې مشر ایمن الظواهري په کابل کې وژل شوی دی.

د کابل په شېرپور سیمه کې له برید دوه ورځې وروسته امریکا اعلان وکړ، چې دغلته یې د القاعده شبکې مشر ایمن الظواهري په نښه کړی دی.

د امریکا ولسمشر جوبایډن څو ساعته مخکې په سپینه ماڼۍ کې وویل، چې د ترهګرو دا مشر نور په نړۍ کې نه شته.

جو بایډن، د امریکا ولسمشر

بایډن وویل: «د امریکا متحده ایالتونو په بریالیتوب سره د افغانستان په کابل کې هوایي برید ترسره کړ چې پایله کې یې د القاعده امیر ایمن الظواهري ووژل شو. تاسو پوهېږئ چې الظواهري د اسامه بن لادن یو مشر و، دی به تل له بن لادن سره اوسېده، پر امریکا د ۲۰۰۱ کال د سپتمبر د ۱۱مې نېټې برید پر مهال هغه د القاعده دوهم نمبر مشر و. هغه په ژوره توګه دغه برید کې شامل و. هغه د دې برید چې پایله کې یې ۲۹۷۷ خلک ووژل شول مسوول و. هغه له لسیزو راپه دې خوا د امریکایانو پر ضد حملې پلانولې.»

پر امریکا د ۲۰۰۱ کال له برید وروسته الظواهري متحدو ایالتونو ته یو لوی هدف و او د هغه پر سر یې ۲۵ میلیونه ډالره جایزه ایښې وه.

الظواهري د ۲۰۱۱م کال له مې میاشتې را په دې خوا چې د القاعده شبکې بنسټ ایښودونکی اسامه بن لادن ووژل شو، دغه شبکه رهبري کوله.

الظواهري د مصر تبعه دی او په وروستیو کلونو کې یې څو ځله د وژلو اوازې خپرې شوي دي.

تېره مې میاشته کې د ملګرو ملتونو یوه راپور وښوده، چې الظواهري د اسلامي امارت له مشر ملا هیبت‌الله اخوندزاده سره بیعت تجدید کړی دی.

امریکایي رسنیو د هغه هېواد د چارواکو په حواله ویلي، چې پر نوموړي د یکشنبې د جولای ۳۱مه د سهار په ۶ بجو او اتلسو دقیقو بې پیلوټه الوتکې برید وکړ.

خپلواکو سرچینو لا د دغه برید په اړه او دا چې رښتیا هم الظواهري په کې وژل شوی او که نه، څه نه دي ویلي.

اسلامي امارت بیا پر دغه برید غبرګون ښودلی او د نړیوالو اصولو او دوحې تړون ښکاره سرغړونه یې بللې ده.

د اسلامی امارت د حکومت ویاند ذبیح الله مجاهد په یوه خبرپاڼه کې ویلي، لومړیو کې د برید څرنګوالی معلوم نه و، خو په خبره یې د امنیتي او استخباراتي ارګانونو له پلټڼې وروسته په ډاګه شوه چې د امریکا د بې پیلوټه الوتکې برید و.

په خبرپاڼه کې راغلي: «دا ډول کړنې د تېرو شلو کلونو د ناکامو تجربو تکرار او د امریکا د متحده ایالاتو، افغانستان او سیمې د ګټو خلاف عمل دی.»

خو د افغانستان د ملي امنیت پخوانی مشر رحمت نبیل په خپل ټوېټر ویلي، د دوحې تړون پر اساس امریکا دغه برید ترسره کړی.

اسلامي امارت ویلي، برید د هستوګنې پر یوه کور ترسره شوی، خو دا یې نه دي ویلي چې څوک په کې وژل یا ژوبل شوي دي او که نه.

دا پر کابل د اسلامي امارت له واکمنۍ وروسته په ظاهره د امریکا دوهم هوایي برید دی، چې ترسره کوي یې.

امریکا تېر کال اګست میاشت کې چې اسلامي امارت واک ته رسېدلي‌ و د کابل هوایي ډګر ته نژدې سیمه کې پر یوه کور هوایي برید وکړ.

لومړی امریکایي چارواکو وویل، چې هغه برید کې یې د داعش وسله وال په نښه کړي، خو وروسته څرګنده شوه چې د یوې کورنۍ لس غړي په کې وژل شوي دي.

همرسانی کنید

Dunia
Duniahttp://dunia.af/
روزنامه دنیا، انعکاس‌دهندۀ حقایق