خبرهای مرتبط

جمع

حامد کرزی: د نجونو پر مخ دې د ښوونځيو او پوهنتونونو دروازې پرانيستل شي

د افغانستان پخواني ولسمشر حامد کرزي د نوي ښوونيز...

حملۀ افراد ناشناس بر شماری از دانشجویان مسلمان حین نماز تروایح در هند

رسانه‌های هندی گزارش داده‌اند که گروهی از افراد ناشناس...

پاکستان: طالبان پاکستانی از طریق نماینده‌گان افغان از هند پول می‌گیرند

نمایندۀ ویژۀ پاکستان در امور افغانستان می‌گوید اسلام‌آباد شواهدی...

ترمپ شکستش در انتخابات امریکا را پایان دموکراسی در این کشور خواند

دونالد ترمپ، نامزد حزب جمهوری‌خواه در انتخابات امریکا گفته...

ایران ترمځکي لاندي یوې هوايي اډې څخه پرده پورته کړه

داسي ښکاري چي ایران دي د خپل پوځي ځواک د ښودلو په هڅه کي وي. دغه هيواد ترمځکي لاندي یوې هوايي اډې تصویرونه خپاره کړي دي. ایران ویلي دي چي د امریکا متحده ایالاتو له خوا د احتمالي بریدونو په وړاندي مجهز دی.

د ایران د اسلامي جمهوریت پوځ په زیرزمیني کي د یوې پوځي اډې تصویرونه خپاره کړي دي. لکه څنگه چي د ایران دولتي خبري آژانس «ایرنا» رپوټ ورکړی دی، جنگي جت، بم غورځوونکي او بې پیلوټه الوتکي کولای سي له دغي اډې څخه ناڅاپي بریدونه ترسره کړي.

د دغي رسنۍ په حواله دا ترمځکی لاندي د پوځ د هوايي ځواکونو له هغو څو تاکتیکي اډو څخه یوه ده چي په تیرو کلونو کي د دغه هیواد په څو سیمو کي جوړي سوي دي.

ترمځکي لاندي دغي اډې دقیق ځای نه دی په گوته سوی. د نوموړي رپوټ له مخي، د »عقاب«هوايي اډه په سلو متره ژوره ترغرونو لاندي ده. د دغه رپوټ په حواله دغه اډه کولای سي د امریکا متحده ایالاتو د بریدونو په وړاندي مقاومت وکړي.

د انقلاب د کالیزي په درشل کي اعلان

دغه خبر د «ایران د هوايي ځواک د ورځي» او د ایران د انقلاب له ۴۴ می کالیزي مخکی خپور سوی دی. ایران د ۲۰۲۲م کال په می میاشت کي په اول وار د دغه هیواد په لوېدیځ د زاگرس په غرونو کي د بې پیلوټه الوتکو د یوې اډې تصویرونه خپاره کړل.

مخکي له دې په تیرو کلونو کي د ایران په دولتي تلویزیون کي د تر مځکي لاندي بې پیلوټه الوتکو او د سپاه پاسداران د راکټونو د یوې ذخیرې په هکله رپوټونه ورکول سوی وو.

د ایران دغه هلي ځلي ښايي د پوځي قدرت ښودلو له پاره وي. تهران د خپلي اټومي برنامې پراخیدو ته ادامه ورکوي او د ۲۰۱۵م کال د اټومي تړون له شرایطو څخه چي امریکا متحده ایالات ورڅخه په ۲۰۱۸م کال کي ووتل، تل سرغړونه کوي. په عین حال کي د ایران اسلامي جمهوریت ټینگار کوي چي هدف یې د اټومي بم جوړول نه دي.

په دا وروستیو کي په تیره بیا د ایران د بې پیلوټه الوتکو برنامه د رسنیو سرخط گرځیدلې ده. لوېدیځ پر ایران تور لگوي چي روسیې ته بې پیلوټه جنگي الوتکي استوي او روسیه له دغو الوتکو څخه په گټی اخیستنی سره، غیرنظامي زیربناوي، د استوگني ځایونه او روغتونونه د بریدونو هدف گرځوي.

ایران تر ډېره ځایه د میگ او سوخوی په نامه د پخواني شوروي وخت تجهیزات او ځیني چینايي الوتکي په اختیار کي لري. د ایران د الوتکو انتقالوونکي هم د اف ۴ او امریکايي اف ۵ په ډله کي راځي چي قدامت یې د ایران د انقلاب مخکي وخت ته رسیږي. زیاتره وخت د دغه هیواد نظامي تاسیسات پټ ساتل کیږي.

منبع: دویچه‌وله

اشتراک گذاری

Dunia
Duniahttp://dunia.af/
روزنامه دنیا، انعکاس‌دهندۀ حقایق